БИШКЕК, 4-апр. — Sputnik. Ок чыгаруучу куралдар боюнча россиялык ири концерндин маркетинг саясатын өзгөртүүгө салынган санциялар себеп болду. Бул туурасында РИА Новости "Известия" басылмасына таянып жазды.
"Санкциялар салына электе АКШ биздин негизги алармандарыбыз болчу, биз жасаган ок атуучу жарандык куралдардын 70 пайызы ал жакка кетип турган. Ал эми быйыл эл аралык көргөзмөлөргө тыңгылыктуу катыша алган жокпуз. Париждеги Eurosatory деп аталган ири салондо болгону келечектүү ок атуучу комплекстердин 3D үлгүлөрүн гана көрсөтө алабыз", — деген "Калашников" концернинин маркетинг боюнча директору Владимир Дмитриев.
Ал 2016-жылы концерн россиялык – ички рынокко басым жасоого ниет кылып жаткандыгын айтты.
"Коргоо министрлиги бизге буйуртма берген негизги тараптардын бири катары кала берет. Мамлекеттин коргонуу боюнча буйуртмаларын толугу менен аткарып келе жаткандыгыбызга сыймыктанабыз. Эми ички рынокко багыштап, ок атуучу жарандык куралдардын үлүшүн көбөйтүүнү ниет кылып жатабыз", – деген ал.
Дмитриевдин маалыматында, "Армия-2016" үчүн концерндин жаңы иштеп чыккан продукцияларынын арасынан АК-12 автоматы жана анын бир аз мурда жасалган үлгүсү биргеликте көрсөтүлөт. Бул комплект куралды колдонуудагы натыйжаны 1,5 эсе көбөйтөт деп айтылууда.
