БИШКЕК, 1-апр. — Sputnik. Жума күнү Түркиянын Самсун шаарында дзюдо боюнча Гран-при этабы баштала турганын Мамлекеттик жаштар иши, дене тарбия жана спорт агенттиги билдирди.
Дзюдо боюнча эл аралык федерациянын расмий сайтында маалымдалгандай, жалпы жонунан мелдеште медалдын 14 комплектиси ойнотулат.
Кыргызстандык команданын курамында төмөнкү үч спортчу бар:
- Юрий Краковецкий (100 килограммдан ашуун салмак категориясында);
- Арген Бактыбек уулу (60 килограммга чейин)
- Бектур Рысмамбетов (66 килограммга чейин).
Кыргызстандык делегацияны Дзюдо федерациясынын президенти Ырысбек Мааткабылов жетектеп барат.
