БИШКЕК, 24-мар. — Sputnik. "Ислам мамлекети" террордук уюму Европаны көздөй 400 согушкерди кол салуу үчүн жиберди. Бул тууралуу Ассошиэйтед пресс агенттиги Европа өлкөлөрү менен Ирактын чалгындоо кызматына шилтеме берүү менен жазып чыкты дейт РИА Новости.
Террордук уюм батыш өлкөлөрүндө согуштук аракеттерди жүргүзүү үчүн атайын согушкерлерди Ирак менен Сириядагы лагерлерде даярдап жаткандыгы тууралуу агенттиктин маектештери айтып берген. Алардын маалыматы боюнча, согушкерлер постсоветтик блоктордо дагы даярдалып жатышы ыктымал.
Агенттиктин ишенимдүү булактары билдиргендей, ноябрда Парижде жасалган терракт менен шейшемби күнү Брюсселдеги жардырууну уюштурган согушкерлер сыяктуу, азыркылар дагы бир нече кичи топторго бөлүнүп алышкан.
Эске салсак, Брюсселдин эл аралык аэропортунда 22-март күнү эки жардыруу болду. Үчүнчү жардыруу ошол эле күнү метродогу "Мальбек" станциясында катталган. Кризистик борбордун маалыматы боюнча жардыруудан 31 адам каза таап, 300 адам ар кандай жаракат алышкан.
