БИШКЕК, 23-мар. — Sputnik. Өлкөнүн башкы банкы кечээ 10,3 миллион доллар сатып алганын мекеменин сайтында айтылат.
Башкы банк быйылкы жылдын эсеби менен март айында жети жолу валюта рыногуна чыгып, 37 миллион 450 миң доллар сатып алган.
Кечээ Улуттук банк дагы бир ирет валюта базарына чыгып, 10,3 миллион доллар сатып алды.
Улуттук банк валюта базарына ар кандай себептер менен, анын ичинде валюта курсун турукташтыруу үчүн интервенцияларга чыгып турат.
Башкы банктын маалыматы боюнча, учурда доллардын расмий курсу жети тыйынга төмөндөп, 71,94 сомду түздү.
