БИШКЕК, 22-мар. — Sputnik. Шейшемби күнү Брюсселдин аэропортунда эки ирет жардыруу болду.
Андан кийин бир жарым сааттын аралыгында эки башка метро станциясында дагы эки жолу жардыруу катталды. Алдын ала маалыматтар боюнча кырсыктан 13 киши каза болуп, 35 адам жарадар болду.
Sputnik Кыргызстан агенттиги Бельгиянын борбор калаасында төмөнкүдөй эл аралык уюмдар жайгашканын эскертет:
- Кыргызстандын Бельгиядагы элчилиги орун алган;
- Евробиримдиктин штаб-квартирасы;
- Түндүк Атлантика келишиминин уюму (НАТО);
- Бенилюкс мамлекеттеринин катчылыгы (Бельгия, Нидерланд, Люксембург);
Француз жана Фламанд коомчулугу менен Фландриянын башкармалыгы;
БУУнун адам укугу боюнча Жогорку комиссарынын башкармалыгы. Анын өкүчүлүгү Бишкекте да бар;
Батыш Европа менен Борбордук Азияда ишмердүүлүгүн жүргүзгөн Дүйнөлүк банктын бөлүмү;
Эл аралык валюта фондусунун европалык бөлүмү;
Европа парламенти;
БУУнун калктуу пункттар боюнча программасы (БУУ-ХАБИТАТ).
