БИШКЕК, 22-мар. — Sputnik. Таласта жайыт жерддин кыртышын бузган жеке ишканага айып пул салынып, 305 миң сом өндүрүлдү. Бул тууралуу Мамлекеттик экология-техникалык инспекция билдирди.
Маалыматка ылайык, мыйзам бузуу Өмүралиев айыл аймагынын "Апаш" жайлоосунда аныкталган. "Бабек ЛТД" жеке ишканасынын кызматкерлери 3200 чарчы метр жер аянтын бузушкан.
Бул боюнча инспекциянын кызматкерлери түзүлгөн протоколдун негизинде ишкана жетекчилигине эки миң сом айып салып, мындан тышкары жер кыртышын бузганы үчүн 305 миң 280 сом өлчөмүндөгү доо өндүрүшкөн.
