"Баткен шаарынын жашоочуларын Нооруз майрамы менен куттуктоо үчүн келдик. Мен Сох районун акиминин биринчи орун басары болуп иштейм. Сох аймагынын элинин атынан жалпы Кыргызстан элин майрамы менен куттуктап, бекем ден соолук, узуy өмүр каалайм, мамлекетке бакубаттуулук тилейм", — деди Өзбекстандын Сох районунун акиминин орун басары Бобуржон Маткеримов.
Тажикстандын Исфара районунун акиминин орун басары Садиржон Косимов ирегелеш жашаган кыргыз, тажик эли абалтадан келе жаткан достук алакаларын сактап калуу кийинки муундун милдети экендигин айтат.
"Ата-бабаларыбыз канатташ жайгашкан Кыргызстан менен ынтымак-ырашкерликте жашап келген. Кийинки муундар бул жакшы салтты жакшыртып жана улантып кетишибиз керек", — Исфара районунун акиминин орун басары.
Баткен шаарында өткөн Нооруз майрамында кошуна өлкөлөрдөн келген коноктор менен жергиликтүү элге айыл өкмөттөр тарабынан даярдалган улуттук тамак-аш тартууланды. Кол өнөрчүлөрдүн колунан чыккан буюмдардын, жыгачтан жасалган музыкалык аспаптар жана үй-тиричилигинде колдонулуучу оокаттардын көргөзмөсү уюштурулду. Ал эми улуттук тамактардын 200дөн ашык түрү коюлду.
