БИШКЕК, 17-мар. — Sputnik. Тайвандагы Синьбэа шаарынын тургуну ымыркай кызын уктатам деп жатып чарчап калгыча терметип салган. Бул тууралуу "Жэньминь жибао" гезитине шилтеме берүү менен РИА Новости билдирди.
Үч эмдин атасы термелүүчү креслого отуруп алып жети айлык кызын уктатууга киришкен. Бир маалда ал ымыркай кыйналып жатканын байкап, жубайы экөө кызды ооруканага алып барышат. Ал жерден дарыгерлер наристенин чарчап калганын билдиришет. Мында баланын денесинде эч кандай ооруксунган белгилер байкалган эмес.
"Чоңдор көп учурда жумуштан кийин үйгө чарчап келип, болушунча эртерээк баланы уктатууга ашыгышат. Баланы өтө катуу терметүү ага зыян алып келерин көп ата-эне билбейт", — дейт Нанкиндеги балдар медициналык борборунун башкы дарыгери Тун Мейлин.
Медиктердин айтымында, ымыркай кыз баш мээси чайкалып чарчап калган. Баланын катуу термелүүсү анын органикалык дисбалансына алып келет. Мээ катуу чайкалган учурда баланын башы ары-бери термелип, баш мээнин мемрана клеткаларынын жарылышын жана мындан улам ага кан куюлуп кетишин шарттайт. Бул дарт 1971-жылы аныкталган.
