БИШКЕК, 11-мар. — Sputnik. Кыргызстандын түштүк аймагында жер титирегенин ӨКМ билдирди.
Силкинүүнүн очогу Нура айылынан түштүк-батышты көздөй 25 чакырым алыстыктагы Алай тоо кыркаларында жайгашкан. Очогунда 3,5-4 балл болуп сезилген жер титирөө саат 09.38де катталган.
Алдын ала маалымат боюнча жер титирөөдөн жабыр тарткандар болгон жок.
Эскерте кетсек, 2008-жылы октябрь айында Нура айылында күчү 8 баллга жеткен жер титирөө болуп, андан 75 адам каза болгон.
