БИШКЕК, 10-мар. — Sputnik. Forbes журналы Москваны дүйнө боюнча миллиардерлер көп жашаган шаарлар рейтингинде үчүнчү катарга чыгарган.
Басылманын маалыматына ылайык, Россиянын борборунда 60 миллиардер жашап, алардын байлыгы 270,6 миллиард долларды түзөт.
25 шаар кирген рейтингде биринчи сапты 79 миллиардери менен Нью-Йорк шаары ээлеген. Алардын акчасы 364,6 миллиард долларга жетет. Экинчи орунда 261,3 миллиард долларга ээ 68 миллиардер жашаган Гонконг шаары турат.
