БИШКЕК, 9-мар. — Sputnik. Евробиримдиктин депутаттары европалык дипломатиянын башчысы Федерико Могеринини Надежда Савченконун иши боюнча РФ президенти Владимир Путин жана дагы 28 адамга карата жеке санкцияларды киргизүүгө чакырды.
57 депутаттын колу коюлган катта "Савченкону уурдоо боюнча саясий чечимге жана аны Россия аймагына алып барып, мыйзамсыз кармап турууга, жасалма күнөөлөрдү такканга жоопкер" деген адамдарды тизмелеп чыгышкан. Саясатчылардын пикиринде санкцияга "бул иштерди Россияда мыйзамдаштырып, дүйнөлүк коомчулукка көрсөткөндөр" да алынышы керек.
Саясатчылар тизмеге кирген бул адамдарды Евробиримдиктин аймагына киргизбей, активдерин тоңдуруп, ал эми мүлктөрүн алып коюу керек деп эсептешет.
Россиялык тергөөчүлөр украиналык аскер кызматчысы Надежда Савченкого россиялык журналисттердин өлүмүнө себепкер деген айыпты таккан. Алардын пикиринде Украианын куралдуу күчтөрүнүн артилериялык огунан алардын курман болушуна Савченконун тиешеси бар.
