БИШКЕК, 6-мар. — Sputnik. Президент Алмазбек Атамбаев Кыргызстандын сотторуна квалификациялык класстарды берүү жөнүндө жарлыка кол койгонун өлкө башчынын маалымат кызматы билдирди.
Жарлыкка ылайык, жогорку квалификациялык классты Жогорку соттун төрайымы Айнаш Токбаева, орун басары Анархан Базаралиева жана Жогорку соттун жети судьясы алды.
Мындан сырткары өлкө башчы тарабынан Баткен облустук сотунун төрагасы Сооронбай Карабаевке биринчи квалификациялык класс тапшырылды.
Үчүнчү квалификациялык классты бир судья, төртүнчү квалификациялык классты — алты судья жана бешинчи квалификациялык классты 15 судья алышты.
