БИШКЕК, 5-мар. — Sputnik. Маданият, маалымат жана туризм министрлиги Тайлак баатыр тууралуу көркөм метраждуу тасманын сценарийине сынак жарыялаганын Кинематографты колдоо фондусу билдирди.
Сынакка арыздар 10 марттан 30-апрелге чейин кабыл алынат. Ал эми көркөм кеңештин жыйыны жана конкурстун жыйынтыгы 10-майда чыгат.
Сынактын жеңүүчүсү автордук укукка ээ болору айтылууда.
Тайлак баатыр — болжол менен 1796-жылы Нарын дайрасынын боюндагы азыркы Ак-Талаа жана Тогуз-Торо райондорунун чегинде төрөлгөн. XIX кылымдын биринчи жарымындагы кыргыз элинин көз карандысыздык үчүн болгон кыймылынын ири ѳкүлү болуп саналат.
Кокон хандыгынын эзүүсүнө каршы бир тууганы Атантай экөө жетекчилик кылган.
