Аталган иш-чара Токтогул Сатылганов атындагы филармониядан башталып, борбордук аянтта уланды.
Жүздөгөн жаштар "Кыргызстан" деп ураан чакырып, ак калпак күнүн майрамдашты.
Борбордук аянтта калпактардын чакан көргөзмөсү да уюштурулду.
Ошондой эле, Гиннес китебине кире турчу 3 метрлик калпак да шаар тургундарына тартууланды.
Бул иш-чара "Ак шумкар КУТ" жаштар уюму, "Көчмөн" коомдук фондусу жана республикалык "Манас жаштары" ордосу, "Көчмөн Номад", "Агрардык платформа" коомдук бирикмеси тарабынан өткөрүлүүдө.
"Ак калпак" күнү Кыргызстанда 2011-жылдан тарта белгиленип келет.
