БИШКЕК, 4-мар. — Sputnik. Ыктыярдуу студенттер тарабынан жасалып жаткан узундугу үч метрлик калпак даяр болду. Бул тууралуу Sputnik Кыргызстан агенттигине уюштуруучулардын бири Адилет Кубанычбеков билдирди.
Анын айтымында, демилгени Кыргыз–Түрк "Манас" университетинин студенттик кеңеши көтөрүп чыккан.
"Өлкөбүздө 5-март ак калпак күнүнө даярдалып жаткан эң чоң калпак даяр болуп, аны менен жакындан таанышууга болот", — дейт Кубанычбеков.
Анын айтымында калпак менен таанышуу аземи 5-мартта саат 9:00до КТМУнун Ч.Айтматов атындагы Жал кампусунда болот.
Демилгечилер бул калпакты Гиннес китебине киргизүүнү көздөп жатышат.
