БИШКЕК, 4-мар. — Sputnik. Айымдардын эл аралык күнү, 8-мартта өлкө аймагында жаан-чачын болбой турганын Кыргызгидромет Sputnik Кыргызстан маалымат агенттигине билдирди.
Маалыматка ылайык, Бишкек шаарында да жаан жаабайт. Майрам күнү аба ырайы 20 градустан жогору болот. Түштүк-чыгыштан соккон шамалдын ылдамдыгы секундасын 3-8 метрге чейин жетет. Түнкүсүн аба ырайы нөлдөн жогору болот.
Ал эми бийик тоолуу аймактардын автожолдору тоңголок, тайгак болот.
Чүй, Талас жана Нарын облустарында абанын температурасы бир аз жогорулайт. Ушундай эле абал Ош, Жалал-Абад жана Баткен облустарында байкалат. Ысык-Көл облусунда абанын температурасы дээрлик өзгөрүлбөйт.
