Капотко сүйрөлгөн жол инспектору айдоочуга доомат койбойт

© Sputnik / Табылды КадырбековЖол кайгуул кызматкери. Архив
Жол кайгуул кызматкери. Архив - Sputnik Кыргызстан
Жазылуу
Соттун кийинки отуруму 22-мартта өтөт. Максутов үй камагына калтырылды.

БИШКЕК, 1-мар. — Sputnik. Капотко сүйрөлгөн Жол кайгуул кызматынын инспектору Акыл Чыкаев айдоочу Адилет Максутовго эч кандай дооматы жок экенин өз арызында билдирди. 

Айдоочу: Инспектор капотко секирип, тапанчасын такагандыктан, коркуп айдап жибердим
Мындай маалыматты соттун биринчи отурумунун жыйынтыгы менен Максутовдун жактоочусу Марс Турсуналиев айтты. Процесс шейшемби күнү өттү. Кийинки отурум 22-мартка белгиленген. Максутов үй камагына калтырылды.

Окуя 28-январда "Айчүрөк" борбордук дүр-дүйнө дүкөнүн жанынан болгон. Youtube сайтына жайгаштырылган видеодо милиция кызматкерин айдоочу BMW үлгүсүндөгү унаанын капотуна жабыштырган боюнча Чүй проспектиси менен айдап кеткен түшүрүлгөн. 

Айдоочу бир күндөн кийин кармалган. 22 жаштагы Максутов инспектор тапанчасын алып чыкканда коркуп, унаасын айдап кеткенин айткан.

Жаңылыктар түрмөгү
0