БИШКЕК, 1-мар. — Sputnik. Эмгек мигранттарынын Кыргызстанга жөнөткөн акчасы былтыркы жылы жарым миллиард долларга азайганын Улуттук банктын төрагасы Толкунбек Абдыгулов маалымат жыйында билдирди.
Анын айтымында, доллар менен жөнөтүлгөн каражат 25,8 пайызга азайып, рубль менен которулган акча 10,4 пайызга жогорулаган.
"2014-жылы 1 миллиард 811 миллион доллар акча которулган. Өткөн жылы алдын ала маалымат боюнча 1 миллиард 344 миллион доллар жөнөтүлгөн. Бул 500 миллион долларга аз", — деди Абдыгулов.
Кыргызстанга негизинен Россияда иштеген мигранттар акча которот.
