БИШКЕК, 29-фев. — Sputnik. Тамашоу лигасынын "Позитифф" командасы Казакстанда өткөн "Жайдарман" лигасынын чейрек финалына өттү. Бул тууралы команданын мүчөсү Мыктыбек Мукаев Sputnik Кыргызстан агенттигине билдирди.
Аталган оюн Астана шаарында 27-февраль күнү болду.
"Оюн казак тилинде болгондуктан кыргызча да, казакча да сүйлөп жаттык. Биз тайпанын ичинен мыкты аталып чейрек финалга өттүк", — дейт Мукаев.
Оюндун жүрүшүндө 40 команда сегиз тайпага бөлүнүп күч сынашты.
Эске сала кетсек, 2015-жылдын 30-январында 180 команданын ичинен 67си тандоо турунан өтүп, "Жайдармандын" жогорку лигасына жолдомо алган.
