БИШКЕК, 21-фев. — Sputnik. Ош шаарында дипломатиялык корпустун өкүлдөрү арасында футбол боюнча Тышкы иштер министрлигинин жыл сайын өткөрүлүүчү төртүнчү кубогу болду.
"Спорт – дүйнө элчиси" — аталышындагы футболдук мелдеш 23-февраль — Мекенди коргоо күнүнө карата болду. Ага Россия жана Кытайдын консулдугу, ТИМге караштуу түштүк аймактык "КыргызДипСервис" өкүлчүлүгү, ЕККУ (Европалык Коопсуздук жана Кызматташтык Уюму), Кызыл Крест, Кызыл жарым ай, ЮСАИД, Ага Хан фондуларынын ортосунда өттү.
Тышкы иштер министрлигинин Ош, Жалал-Абад жана Баткен облусундагы өкүлчүлү Мээримбек Апышовдун айтымында, иш-чаранын максаты өлкөлөр аралык достукту бекемдөөө жана спортту өнүктүрүүгө багытталган.
Жеңүүчүлөр Тышкы иштер министрлигинин кубогу жана Ардак грамоталар менен сыйланышты. Мындан сырткары мелдештин мыкты оюнчусу жана мыкты дарбазачылары аныкталды.
