БИШКЕК, 21-фев. — Sputnik. Ички иштер министрлигинин академиясында патрулдук-пост кызмат бөлүмүнүн командирлерине окутуулар өткөрүлдү. Бул тууралуу академиянын маалымат кызматы билдирди.
Окутуулар кызматкерлердин квалификациясын жогорулатууга багытталган. Ал 8-февралдан 20-февралга чейин өтүп, өлкөнүн алты облусунан 16 кызматкер катышты.
Милициянын патрулдук-пост кызмат бөлүмүнүн кызматкерлери өздөрүнө тиешелүү аймактарды күзөткө алышат. Алар мыйзам бузуу фактыларына биринчилерден болуп реакция жасап, кылмышкерлерди кармоого бардык аракеттерин жумшаары маалыматта белгиленген.
