БИШКЕК, 19-фев. — Sputnik. Анкарадагы жардыруудан каза болгон аскерлерге бүгүн Кожатепе мечитинде жаназа окутулду. Бул тууралуу Sputnik Кыргызстан агенттигине Анкарадагы кыргыз диаспорасынын башкы катчысы Адилет Абишов билдирди.
Анкарадагы жардыруу 17-февралда Түркиянын парламенти менен Башкы штабынын аймагына жакын жерде болгон. Светофорго аскерлерди ташып келе жаткан транспорт колоннасы токтогон учурда мина коюлган автоунаа жарылып, анын кесепетинен 28 адам курман болду, алардын 27си аскер адамдары экендиги маалымдалган.
"Мечитке премьер-министр Ахмет Давутоглу, өкмөт өкүлдөрү жана миңдеген шаар тургундары келишти", — деп билдирет Абишов.
Анын айтымында кыргыз диаспорасынын өкүлдөрү дагы жаназага катышып кетишкен.
Шаарда коопсуздук көзөмөлү күчөтүлүп, полиция кызматкерлери тарабынан мечитке келген жарандар текшерүүгө алынган.
