БИШКЕК, 19-фев. — Sputnik. Мамлекеттик чек ара кызматы тарабынан мыйзамсыз алюминий алып өтүп жаткан жеринен Тажикстандын жараны кармалганын аталган кызматтын маалымат кызматы кабарлады.
Ага ылайык, 2016-жылдын 18-февраль күнү Баткен облусунун Лейлек районунда кыргыз-тажик чек арасынан Тажикстандын жараны 19 тонна алюминий алып өтүп жаткан жеринен кармалган.
Алынган контрабанданын жалпы суммасы 900 миң сомду түзөт.
Керектүү документтер толтурулган соң, кармалган Тажикстандын жараны жүгү менен кошо Мамлекеттик бажы кызматына өткөрүлүп берилди.
