БИШКЕК, 18-фев. — Sputnik. Токмоктогу "Интергласс" айнек заводу "Газпром Кыргызстан" ишканасына 1 миллиард 155 миллион сом карыз. Бул тууралуу Экономика министрлигинин маалымат кызматы билдирди.
Айнек заводу жаратылыш газы үчүн болгон карызынан кутулуунун тартибин жана мындан ары карызды көбөйтпөө боюнча атайын сунуш алды.
Ошондой эле, "Интергласс" газ үчүн болгон карызынан кутулуу үчүн кыргыз-орус өнүктүрүү фондунан каржылык жардам сураган. Кыргызстандын Экономика министрлиги да аталган заводго каржылык жактан жардам берүүнүн жолун карап көрүү мүмкүндүгү боюнча фондго кайрылган.
"КРдин Экономика министрлиги "Интергласс" ишканасынын газ үчүн болгон карызына тынчсызданат. Бул көйгөйдү чечүү үчүн бардык мүмкүнчүлүктөрдү карап, абалды жөнгө салууну карап жатабыз", — деп Экономика министринин орун басары Туратбек Жунушалиев билдирди.
Министрликтин маалыматында, айнек завод 1972-жылы ишке берилип, анда учурда 1570ке чейин адам эмгектенет.
