БИШКЕК, 15-фев. — Sputnik. Түркиянын Коргоо министри Исмет Йылмаз түрк бийлиги Сирияга аскер жөнөтпөгөндүгүн жана мындай ниети жоктугун билдирди. Бул маалыматты РИА Нововсти Anadolu агенттигине таянып билдирди.
"Сирияга түрк аскерлерин алып кирели деген оюбуз да жок", — деди Коргоо министри. Йылмаз буга чейин бир катар жалпыга маалымдоо каражаттары жазган 100 аскер Сириянын аймагына киргизилген деген маалыматты четке какты.
Министр Сауд Аравиясынын аскер аба күчтөрүнүн учактары азыр Түркияга келе электигин айтып, бирок, алар эртең жайгаштырылышы мүмкүндүгүн билдирди.
"Азырынча, алар абалды жеринен иликтеп көрүштү. F-16 үлгүсүндөгү төрт учакты жайгаштыруу чечими кабыл алынды, алар эртең келиши мүмкүн. Бул боюнча макулдашылып, тиешелүү тапшырмалар берилди", — деп айтты Йылмаз.
Мындай окуядан кийин Сирия бийлиги Бириккен улуттар уюмунун башкы катчысы Пан Ги Мун менен Коопсуздук кеңешине кат жолдогон. Анда Дамасктын "Түркия тарабынан сириялыктарды аткылоону жана Анкаранын араб өлкөсүнүнүн аймактык бүтүндүгүн бузуп жаткандыгын" айыптай тургандыгы айтылат.
Ошону менен эле дүйнөлүк уюмдарга өздөрүнүн милдеттенмелерин аткарып жана "түркиялык режимдин кылмыштарына чекит коюу" чакырыгы айтылган.
