БИШКЕК, 15-фев. — Sputnik. Москва шаарында 14-февралда өткөн кыргыз аалымдары менен болгон жолугушууга 14 миң кыргызстандык келгенин муфтияттын маалымат кызматы билдирди.
Маалыматка ылайык, жолугушууга Кыргызстан Ислам университетинин ректору Абдишүкүр ажы Нарматов жана аалымдар кеңешинин мүчөсү, мурдагы муфтий Чубак ажы Жалилов барды.
Орусияда эмгетенип жүргөн мекендештерибизге аалымдар шариат маселелерин түшүңдүрүп, баян өткөрүштү.
"Чындыгында эл абдан көп келди. Мечитке батпагандар сырттан угуп турушту. Бул күнү мекендештерибизге бир топ пайдалуу жана маанилүү маалыматтар берилип, дин аалымдары менен болгон жолугушуу жогорку деңгээлде өттү", —деди Абдишүкүр ажы Нарматовдун маалымат катчысы Эрназар Таштанбаев.
Дини аалымдардын баяны Москва шаарынын "Тынчтык" проспектисиндеги борбордук мечитте өттү.
Жолугушуу Москвадагы мекендештердин демилгеси менен уюштурулган.
