БИШКЕК, 14-фев. — Sputnik. Араб Эмирлиги менен Түркия пландап жаткан согуштук соккусу кыйроого алып келиши мүмкүндүгүн Түркия улуттук кыймылынын лидери Девлета Бахчели өзүнүн кат түрүндөгү кайрылуусунда билдирди.
Мурдараак Россиянын коргоо министрлигинин өкүлү генерал-майор Игорь Конашенков Түркиянын Сирияга каршы согуштук сокку урууга камданып жаткандыгы тууралуу шектенүү бар экенин айткан. Араб Эмирлиги менен Түркиянын Сирияга кирип келүү коркунучун өлкөнүн президенти Башар Асад да кабарлаган.
"Эгерде биздикилер Араб Эмирлиги менен биргеликте Сирияга кирип барса жөн гана жаман эмес, кыйроочу окуяларга алып келиши мүмкүн", — деди Бахчели.
Ал Түркиянын башкаруучу партиясы болгон "Адилеттик жана өнүгүүнүн" жүргүзүп жаткан тышкы саясатын сынга алды.
"Бул партиянын жүргүзүп жаткан тышкы саясаты коңшулар менен болгон мамилени начарлатып жатат. Көрөгөч эместиги, принциптин жоктугу, саясатты туура эмес жүргүзгөндүгү жакынкы чыгыштагы чоң кыйроого алып келиши мүмкүн", — дейт депутат.
Мурдараак Түркиянын артиллериясы Сириянын аймагына кирген Латакия провинциясына жана Алеппо шаарына сокку узатышканы маалым болгон.
