БИШКЕК, 7-фев. — Sputnik. Sputnik Кыргызстан агенттигинин кабарчысы "Сүрөттөн өлкөнү таап ал!" — аттуу сурамжылоо жүргүздү. Ар кайсы өлкөнүн жарандарынан сүрөттөр кайсы жерде тартылгандыгын сурадык. Чет элдиктердин басымдуу бөлүгү Кыргызстанды кайсы өлкөлөр менен алмаштыргандыгын бул жактан окуңуздар.
Danika Cabiltes (Филиппиндер):
— Жумуш менен Аспенге (Колорадо штаты) көп барууга туура келет. Ал жактын тоолору абдан кооз, ошондуктан сүрөт Аспенде тартылган деп ойлойм.
Isaira Alves (Бразилия):
— Сүрөттө ызгаардуу кыш. Мындай аба ырайы Россияны элестетет. Муну менен бирге эстелик жана имараттар Санкт–Петербургду эске салып жатат.
Rob Roskell (Улуу Британия):
— Сүрөт Монголия же Тибетте тартылган деп айтар элем. Балдардын келбети өзгөчө. National Geographic мындай сүрөттөрдү чанда жарыялайт.
Laura Marsango (Испания):
— Көк түстөгү имарат совет доорун элестетет. Менимче, сүрөт Россияда тартылган.
Ajibade Yusuf (Нигерия):
— Пейзаж Казакстанда тартылган деген ойдомун.
Isabel Wilson (Шотландия):
— Сүрөттө диний ритуал тартылганы көрүнүп турат. Менимче, сүрөт Өзбекстанда тартылган.
Reem Lulu (Иран):
— Жаңылышпасам, сүрөт Душанбе шаарында тартылган. Ал жакта ушул сыяктуу имараттар көп.
Li Qi Ying (Кытай):
— Мындан эки жыл мурун Өзбекстанга барган элем. Сүрөттөгү жол тааныш учурап жатат. Өзбекстанда эмеспи?
Sager Yousef (Иордания):
— Канадада мындай тоолуу көлдөр көп. Сүрөттөгү пейзаж аска тоонун этегинде жайгашкан Пейто көлүнө окшош экен.
Samira Ahmad (Йемен):
— Тоолор "Тирүү калган" кинотасмасындагы кадрларды элестетти. Сүрөт Түндүк Америкада тартылган эмеспи?
