БИШКЕК, 7-фев. — Sputnik. Борбор калаадагы дүкөндөрдүн биринде өткөн "Эки түн арзандатуу" акциясы учурунда жол эрежесин бузган айдоочуларга 287 протокол түзүлгөнүн Жол кайгуул кызматынынан билдиришти.
Буга чейин бир катар жарандар "тургундар унааларын дүкөндүн жанына токтотушкандыктан Киев көчөсүнөн өтүү мүмкүн болбой калганын" кабарлашкан.
"Эки түн арзандатуу" акциясы учурунда ошол райондон эреже бузуп автоунаасын токтоткондорго 287 протокол түзүлдү", — деп Жол кайгуул кызматынан билдиришти.
Унаа токтотуу эрежесин бузгандар 1000 сом айыпка жыгылат.
