Жалал-Абад шаарында селсаяктар үчүн жергиликтүү бийлик ноябрдан март айына чейин баш калкалай турган 22 орундуу жай бөлгөн.
Бул жайга келгендер бир маал ысык тамак жана жата турган жай менен камсыздалат.
21 жаштагы Кадыров 10 жылдан бери тилемчилик кылат. Акча тапкан азыркы орду – Жалал-Абад шаарындагы темир жол түйүндөрү менен кесилишкен Осмонов көчөсүнүн аймагы.
Ильяз мындан он жыл мурда атасына таарынып, үйдөн чыгып кетип, ошол бойдон селсаяктык турмушка бут коюптур.
Ал тапкан кирешеси боюнча айтып берди. Күн жакшы болгондо 300 сомго чейин түшүп калат экен. Ильяз акчаны апасына жакында жасала турган операция үчүн топтоп жатканын айтып берди.
Жалал-Абаддагы кайрымдуулук фонду 1997-жылы түзүлүп, жыл сайын муктаж болгондорду тейлейт. Алар күнүнө бир ирет жылуу тамак жана жата турган жай менен камсыз болот. 22 адамга эсептелген бул жерде учурда 10 адам жашап жатат.
