Инспекторду капотто сүйрөп кеткен айдоочу кармалды

Жазылуу
Учурда 23 жаштагы ал жаран убактылуу кармоо жайында отурат.

БИШКЕК, 30- янв. — Sputnik. BMW үлгүсүндөгү автоунаасы менен Жол кайгуул кызматынын инспекторун капотто сүйрөгөн тейде айдап кеткен жаран кармалды. Бул туурасында борбордук автоинспекциянын маалымат кызматынын кабарлашты.

Ал 23 жаштагы Адилет Максутов экендиги аныкталды.

"Айдоочуну түндө Жол кайгуул кызматы менен Кылмыш иликтөө бөлүмүнүн кызматкерлери кармашты. Ал убактылуу кармоочу жайга жеткирилди ",— деп билдиришти маалымат кызматынан.

Учурда Кылмыш жаза кодексинин 340-беренеси жана 28-беренеси менен кылмыш иши козголду.

Айдоочу: Инспектор капотко секирип, тапанчасын такагандыктан, коркуп айдап жибердим
Окуя  28-январда "Айчүрөк" борбордук дүр-дүйнө дүкөнүн жанынан болгон. Youtube сайтына жайгаштырылган видеодо милиция кызматкерин айдоочу BMW үлгүсүндөгү унаанын капотуна жабыштырган боюнча Чүй проспектиси менен айдап кеткен түшүрүлгөн. 

Бул айдоочулардын биринчи осол жоругу эмес. Сентябрда Toyota унаасынын айдап келе жаткан мас жаранды токтотууга аракет кылган инспекторду айдоочу кыйла жерге чейин сүйрөп барган. Анда да кызматкер ооруканага жаткырылган.

Ушундай эле окуя Жалал-Абадда болгон. 17 жаштагы айдоочу инспектордун айтканына баш ийбей, унааны айдап кеткен. Инспектор машинанын капотуна секирип чыгууга мажбур болуп, 250 метрге чейин унаага жармашкан боюнча барган. Анда Жол кайгуул кызматкеринин баш мээси чайкалып, ооруканага жаткырылган. Атасынын унаасын айдап чыккан айдоочу укук коргоо органдары тарабынан кармалган.

Жаңылыктар түрмөгү
0