Терроризмге шектелген аялдар менен балдарды жаза жеңилдиктеринен ажыратуу каралып жатат

© Sputnik / Табылды КадырбековДепутат Кыянбек Сатыбалдиев. Архив
Депутат Кыянбек Сатыбалдиев. Архив - Sputnik Кыргызстан
Жазылуу
Учурдагы Кылмыш жаза кодексинде экстремизм менен терроризмге карата жазаларды жеңилдетүү нормалары каралган. Аялдарга, кош бойлуу аялдарга жана 16 жашка чыга элек балдарга жеңилдик берүүнү жоюп салуу сунушталып жатат.

БИШКЕК, 27 янв — Sputnik. Терроризм жана экстремизм боюнча кармалган жарандарга жаза жеңилдиктерин берүүнү жокко чыгаруу боюнча мыйзамга өзгөртүү киргизүүнү Жогорку Кеңештин депутаты Кыянбек Сатыбалдиев сунуштады. 

Парламентарий Кылмыш жаза кодексине өзгөртүү киргизүү боюнча мыйзам долбоорун сунуштап жатат. 

"Азыркы иштеп жаткан мыйзамда экстремизм жана терроризм боюнча кармалган кылмышкерлерге бир катар жеңилдиктерди көрсөткөн нормалар каралган", — деп жазылат сунушталып жаткан мыйзам долбоорунда. 

Буга ылайык, кылмыш жаза кодексине жазаны катуулаткан нормаларды киргизүү сунушталып жатат. Анда 16 жашка чыга элек өспүрүмдөр, аялдар жана боюнда бар аялдар терроризм жана экстремизмге катыштыгы бар болсо, аларга жеңилдик бербестен катуу жазага тартуу сунушталууда. 

Жаңылыктар түрмөгү
0