БИШКЕК, 24-янв. — Sputnik. Токтогул Сатылганов атындагы Улуттук Филармониянын 150 кишиден турган чыгармачылык тобу үстүбүздөгү жылдын 16-18-март күндөрү Каракол шаарында отчеттук концерт бере турганын Маданият, маалымат жана туризм министрлиги билдирди.
Иш-чара Тарых жана маданият жылына арналып, министрлик тарабынан түзүлгөн "500 гастроль" аттуу программанын алкагында ишке ашууда.
Аталган министрликтик маалымат катчысы Кундуз Качкынбаеванын айтымында, "500 гастроль" программасы Кыргызстандагы театрларынын аймактарга чыгып, өнөрүн көрсөтүүсүн шарттайт.
Филармониянын ушул эле концерти апрелдин башында Нарын облусунда, май айынын соңунда Ош облусунда өтмөкчү.
