БИШКЕК, 23-янв. — Sputnik. Бүгүн Ысык-Көлдүн Түп районундагы Балбай айылында Зина Мамбетсеитова атындагы орто мектеп ачылганын Билим берүү жана илим министрлиги билдирди.
Маалыматка ылайык, мектептин имараты ӨКМ тарабынан 2013-жылы пайдаланууга жараксыз деп табылып, ошондон бери окуучулар окуу жайдын жанындагы кичи корпуста үч смен менен окуп келген. Жаңы имараттын курулушу ошол эле жылдын аягында башталып, ага республикалык бюджеттен 16 миллион сом бөлүнгөн.
225 орундуу мектепке 4-январь күнү жылуулук системасы киргизилген. Учурда мектепте 400 окуучу билим алып, окуу кыргыз жана орус тилдеринде жүрөт.
