БИШКЕК, 23-янв. — Sputnik. Баткендин Лейлек районундагы Сада аймагында мамлекеттик чек ара режимин бузган төрт кыргызстандык жана бир кытайлык жарандын кармалганын Мамлекеттик чек ара кызматы билдирди.
Маалыматка ылайык, "Кулунду" заставасынын жанынан кармалган жарандардын чек ара аймагында жүрүүгө уруксаты болгон эмес, айрымдарынын өздүгүн тастыктаган документи жок болуп чыккан.
Мыйзамга ылайык, кыргызстандык жарандарга административдик айып пул чегерилди. Ал эми керектүү документтер толтурулгандан кийин Кытай Эл республикасынын жараны тийиштүү орган кызматкерлерине берилди.
