Алардын бири Каракол шаарынын тургуну Жаңыл Шакирбаева бул абдан пайдалуу экендигин айтты.
“Биздин курагыбызда ар түрдүү оорулар чыга баштайт. Дары ичкендин ордуна дене бойду активдүү кыймылга келтирип, көнүгүүлөрдү жасап, машыгуу пайдалуу экен. Үзбөй, жумасына үч ирет келип жатам. Азыр биздин катарыбыз көбөйө баштады ",— деди ардагер Шакирбаева.
Фитнес борбордун машыктыруучусу Кенжебек Калмакиев бул курактагы апалар менен иштеген абдан кызыктуу экендигин айтып, башкаларга караганда, алар активдүү, аракетчил болорун кошумчалады.
