БИШКЕК, 23-янв. – Sputnik. "Кумтөр" ишканасында иштеген канадалык жаран каракчылыкка туш болгонун Ички иштер министрлигинин маалымат кызматы билдирди.
"Кумтөр" ишканасынын Балыкчыдагы базасында эмгектенген 57 жаштагы канадалык жарандын үйүнө беткапчан уурулар кирип, 600 долларлык IPAD менен 3 миң 500 сомун алып кетишкен.
Иликтөө иш-аракеттеринин негизинде, кылмышка шектелгендерге каршы жетиштүү далил табылган. Уурулар качып баратып үйдүн алдына бычак менен акчаны түшүрүп алышканы белгилүү болгон.
Учурда ички иштер органынын кызматкерлери тарабынан кылмышка шектелген 16-17 жаштагы үч балыкчылык өспүрүм кармалды. Алардын колунан уурдалган буюм алынган.
Аталган факты боюнча Балыкчы ШИИБ тарабынан Кылмыш жана жаза кодексинин 168-беренеси (каракчылык) боюнча кылмыш иши козголду.
