БИШКЕК, 15-янв. — Sputnik. Аламүдүн районунун айыл чарбачылыгы үчүн ылайыкталган жер тилкелерин жеке адамдарга алдап сатып жиберген 59 жаштагы Бурапия Арстанбекова аттуу жаран кармалганын ИИМ кабарлады.
14 Үчтүн айы 2016, 15:42
Билдирүүгө ылайык, аял аталган райондогу жер тилкелеринин мамлекеттик актыларын жасалмалап, эки жаранга 2,3 миллион сомго сатып, из жашырып кеткен. Арстанбекованын жерге берген документтери жасалма экени аныкталгандан кийин алданган адамдар милицияга кайрылууга аргасыз болгон.
Тергөө маалында мурда соттолуп чыккан аялдын шылуунчулугунан 10дон ашуун жаран жабыр тартканы ачыкка чыгууда.
Учурда бул боюнча эки берененин негизинде кылмыш иши козголуп, иликтөө иштери уланууда.
