БИШКЕК, 15-янв. – Sputnik. Мамлекеттик каттоо кызматынын алдындагы Архив агенттигинин кызматкерлери Россиянын архивдерине жана китепканаларына илимий экспедиция менен барат. Негизги максат — кыргыздар жөнүндө жаңы маалыматтарды табуу. Бул тууралуу Мамлекеттик каттоо кызматынын маалымат кызматы билдирди.
Маалыматка ылайык, Кыргыз улуттук университетинин профессору Кененсариев баштаган архив кызматкерлери январь айынын ортосунда Санкт-Петербург шаарына жөнөшөт.
Бул багытта өкмөт атайын буйрук чыгарган. Анын алкагында, 2015-2025-жылдар аралыгында издөө иштери улантылуусу керек.
Тарых изилдөөчүлөрдүн пикиринде, чет өлкөлөрдүн китепканаларында, музейлеринде жана архивдеринде сакталган маалыматтар жаңы илимий изилдөөлөргө жол ачат.
