БИШКЕК, 15-янв. — Sputnik. "Манас" аэропорту тумандан улам учактарды кабыл алууну токтотконун мекеменин маалымат кызматы билдирди.
Аэропорттун диспетчердик кызматы учууларга уруксат берип, ал эми конууларды Ош шаарындагы аэропорт кабыл алууда. Негизинен Түркия жана Россиядан келген учактар конууда.
Туман тарагандан кийин Бишкектеги "Манас" аэропорту учактарды кабыл ала баштайт. Кыргызгидрометтин маалыматына ылайык, туман түштөн кийин тарашы мүмкүн.
