БИШКЕК, 13-янв. — Sputnik. Казак парламентинин депутаттары мажилисти (парламенттин төмөнкү палатасы) мөөнөтүнөн мурда таркатып, кезексиз шайлоо өткөрүүнү сунуштап жатканын фракция өкүлдөрү шаршемби күнү брифингде маалымдашты.
"Парламенттеги бардык үч фракциянын өкүлдөрү мажилисти мөөнөтүнөн мурда таркатууну сунуштап жатат", — деп биргелешкен билдирүүнү окуп жатып депутат Нурлан Абдиров билдирди.
Ал ошондой эле, жаңы тарыхый учур келгенде өлкөдө масштабдуу модернизация жана президенттин реформаларын бардык саясый багыт боюнча ишке ашыруу абдан маанилүү экенин айтты. Андыктан партиялар жаңы мандат алып, шайлоочулардын ишенимин акташы керек. Антикризистик чараларды көрүп, аларды ишке ашыруу үчүн бешинчи чакырылыштагы мажилисти таратып, жаңы парламенттик шайлоо өткөрүү демилгеси көтөрүлүп жатканын кошумчалады.
