БИШКЕК, 11-янв. — Sputnik. Кыргызстанда доллардын баасы 76,3 сомдон сатылып жатканы valuta.kg порталында айтылат.
Өткөн жылдын соңунан тартып акча алмаштыруучу жайларда доллардын наркы 75,5 сомдон сатып алынып, 76 сомдон сатылып келген. Бирок дүйшөмбү күнү айрым акча алмаштыруучу жайларда чет элдик валютаны 75,6-75,9 сомдон сатып алып, 76,3 сомдон сатып жатканы белгилүү болду. Муну акча алмаштыруу бюролорунун төрагасы Бактыбек Чойбеков да тастыктады.
"Бул долларга карата суроо-талаптын жогорулашына байланыштуу. Доллар Россия менен Казакстанда да өсүүдө", — деди Sputnik Кыргызстан агенттигине Чойбеков.
Төрага "жашылбайдын" кийинки абалына баа бере алган жок.
Ал эми улуттук банктын доллардын орточо наркы 75,9 сомдон калууда. Өткөн жылы анын кунун кармап туруу үчүн башкы банк 35 ирет валюта базарына чыккан.
Жаңы жылдын алгачкы үч иш күнү 15 миллиондон ашуун доллар сатууга үлгүрдү.
