Көрөрмандарды тартуу үчүн театрлар арасында таймаш долбоору даярдалууда

© Sputnik / Табылды КадырбековМалдыбаев атындагы опера жана балет театрындагы зал. Архив
Малдыбаев атындагы опера жана балет театрындагы зал. Архив - Sputnik Кыргызстан
Жазылуу
Yandex newsTelegram
Театр ишмерлери элди сахнага тартуунун жолдорун издеп жатат.

БИШКЕК, 11-янв — Sputnik. Көрүүчүлөрдү театрга тартуу үчүн өлкөнүн театрларынын арасында таймаш өткөрүү керек. Мындай сунушту Бакен Кыдыкеева атындагы Жаштар театрынын жетекчиси Эгемберди Чалабаев Маданият министрлигинде өткөн жыйында айтты.

"Таймаштын шартына ылайык, берилген спектаклдин белгиленген бир эпизодун ар бир театр ойноп көрсөтүү керек. Актерлордун жана режиссердун чыгармачылык дараметин калыстар менен катар келген эл да аныктай алат", — деди Чалабаев.

Театр директорунун бул сунушу колдоого алынып, Маданият министри Алтынбек Максүтов бул долбоорду бышырып иштеп чыгып, ишке ашыруу боюнча тиешелүү тараптарга тапшырма берди.

Жаңылыктар түрмөгү
0