БИШКЕК, 6-янв. — Sputnik. Кыргызстанда депутаттын фонду иштей баштайт. Президент Алмазбек Атамбаев "Жогорку Кеңештин регламенти" тууралуу мыйзамга өзгөртүү киргизүү боюнча мыйзамга кол койду.
Өлкө башчынын маалымат кызматынын билдирүүсүнө ылайык, депутаттын фонду жыл сайын депутаттык ишмердүүлүк үчүн бюджеттен бөлүнгөн каражаттын эсебинен түзүлөт.
Ал эми "Бухгалтердик эсеп жөнүндө" мыйзамына киргизилген өзгөртүүлөр боюнча фонддун финансылык отчетуна жана бухгалтердин эсеп жүргүзүүсүнө коюлуучу талаптар Жогорку Кеңештин токтому менен аныкталмакчы.
