БИШКЕК, 4-янв. – Sputnik. Токтогул Сатылганов атындагы филармонияга 256 түрлүү коюлган жарыктын беш кабелин белгисиз адамдар кыркып кетишти. Бул тууралуу Бишкек шаарынын мэриясынын басма сөз кызматы билдирди.
Маалыматта айтылгандай, Япониядан келген чебердердин күчү менен имаратты жарыктандыруу тез арада кайрадан калыбына келтирилди.
Бишкек мэриясы жарандардан муниципалдык мүлккө этияттык менен мамиле жасоону өтүнөт.
Маданият байлыгын талкалоого аракет жасагандарды байкагандар болсо укук коргоо органдарына дароо кайрылуу сунушталат.
Эскерте кетсек, жакында филармониянын маңдайкы бетине төрт түстүү 100 диоддук прожектор коюлган. Ал 256 өң берип кубулуп турат. Система Япониядан келген чебер Томонори Обучи тарабынан орнотулган.
