БИШКЕК. 3-янв. — Sputnik. Кечээтен тарта февраль айынын орто ченине чейин Ош облусунун 822 мечитинин имамдары үч этап менен окуу курсунан өтүп баштады. Окуулар эки аптага созулат. Бул туурасында Ош облусунун мусулмандар казыятынын адиси Ыманали Матраимов билдирди.
"Аталган окуу курстары имамдардын диний билимин гана жогорулатпастан, компьютердик технологияларды пайдалануу жана интернет менен иштөөнү үйрөтүү багытын да камтыйт", — деди Матраимов.
Өткөн жылы Ош облусунун мусулмандар казыятынын карамагындагы 333 дин кызматкерлери жана мечит имамдары диний билимин жогорулатуу жана тажрыйба алмашуу окууларынан өткөн.
