Жаңы жылга арналган майрамдык иш чара эртең менен жана кечки болуп бөлүнөт. Эртең мененки программа саат 10.00дө башталат. Анда жомоктун каармандары автопоезд менен шаар аралап, жарандарды майрамы менен куттуктайт.
Жомоктун каармандары түшкөн караван "Ала-Тоо" аянтынан башталып, Чүй, Манас проспектилери, Ахунбаев көчөсү, Байтик Баатыр, Чүй прспектилери аркылуу жүрүп, "Ала-Тоо" аянтына келип токтойт. Ошондой эле, борбордук аянтта Аяз ата менен Аяз кыз жарандар арасында интерактивдүү оюндарды уюштуруп, жеңүүчүлөргө белектерди берет.
Ал эми кечки программа саат 21.00дө башталып, шаардын чыгармачыл топтору өз өнөрлөрүн тартуулайт. Андан соң алар кезекти "Кыргызстан обондору" радиостанциясына өткөрүп берет. Майрамдык иш чара түнкү саат 12.00дө аяктап, ал салюттар менен жыйынтыкталат.
