БИШКЕК, 24-дек. — Sputnik. Чет элдик валютанын көлөмү улуттук акчага которо келгенде, 2,5 эсеге көптүк кылат деп билдирди Улуттук Банк.
Кыргызстанда акчанын массасы октябрь айында 67 миллиард 583 миллион сомду түзгөн, бул доллар менен эсептей келгенде 890,7 миллион доллар болуп чыкты.
Октябрдын аягында, Улуттук Банктагы эл аралык валюталардын запасы алтынды кошо эсептегенде 1 миллиард 737 миллион доллар болду. Ал эми коммерциялык банктардын резервдери 420 миллион долларды түздү. Жалпысынан алганда бардык банктардын, Улуттук Банкты кошкондогу резервдер 2 миллиард 157 миллион долларга барабар.
Ошентип, Кыргызстанда сомдун массасы чет элдик акча каражаттарына караганда, 2,5 эсеге аздык кылды.
