БИШКЕК, 22-дек. — Sputnik. Футзал боюнча улуттук курама команда москвалык "Динамо" клубун достук мелдешинде жеңип алганын КРдин Футбол федерациясынын маалымат кызматы билдирди.
2 Бештин айы 2015, 18:25
Улуттук курама команда 2016-жылдын февраль айында Ташкентте өтө турган Азия Чемпиондугуна даярдык-машыгууларын Москвада өткөрүүдө. Буга чейин команда ЦСКАдагы каршылаштары менен болгон беттеште жеңишке жеткен.
Беттеш учурунда Кыргызстандык улуттук курама командасы 1:3 эсебинде жеңилип баратып, кайрадан эсепти теңдеп, ал тургай утушка ээ болду. Бирок, курама команда жеңишке негизги убакытта жете алган эмес — 4:4.
Ошондой болсо да, мекендештер оюндан сырткары өткөрүлгөн пенальтиде (2:0) жеңишти камсыз кылды.
