БИШКЕК, 22-дек. — Sputnik. Жалал-Абаддын Сузак районундагы Ак мечит айылында "Көпөлөк" аттуу бала бакча ачылганын Билим берүү жана илим министрлиги билдирди.
Маалыматка ылайык, аталган бала бакча 1973-жылы курулуп, пайдаланууга берилген. 1992-жылдан тарта мекеме иштебей токтоп турган. Былтыр бала бакчанын имараты кайтарылып берилип, мамлекеттик гранттын эсебинен үч миллион сомго ремонт жасалган.
Бөлүнгөн каражатка жылуулук системасы оңдолуп, эмеректер алынды. Бала бакчанын иштешине жергиликтүү тургундар да бир топ салым кошкон.
100 орундуу мекемеде төрт тайпа бала тарбияланары белгилүү болду.
